然而, 由於在公司名前加上傳明憲三個字, 呢單原先只係一般上市公司既有關財經新聞, 就由於加上前藝人既既名子, 而令到大家茶餘飯後又多一個話題, 由經濟, 時事, 上市監管以至引伸到娛樂, 再加上事件主角既發蹟史, 令到報導既篇幅非常“長”盡。
其實, 有關事件根本唔係一件好突出既事, 好多上市公司既財政及管理都出現問題, 只係件事未爆光, 或者涉及既人並非名人因而只佔好少既篇幅或者根本不了了之…在聯交所既網上顯示, 其實好多上市公司已經停牌2-3年, 股票亦已經可以做牆紙, 但當然呢部份公司大多係2、3線股, 所以談論既人少, 因此係市場上投資, 真係要格外小心…
聯交所亦就今次既事件發出聲明, 內容大概係表示聯交所已“知悉”有關事，但知悉又有何用, 相信有睇或聽新聞既市民都知悉, 作為一個監管機構發出如此一篇聲明, 就真係令人啼笑皆非同失望。
]]>
今年係書展買左一本好好既書, 譯名為“人性的弱點”, 本書大概係介紹如何改善人際關係, 而內容就針對人既基本需求而設定待人處事既行為模式. 呢本書吸引我想盡快睇完, 同埋認同佢既原因, 係由第一篇開始。
作者提出, 唔好批評同指責, 即使你明知對方咁做係錯, 因為人既劣根性係拒絕承認自己既錯失, 即使係一件係千夫所指既事, 當時人為左維護自己既尊嚴, 會千方百計為自己申辯, 最後, 會越來越覺得件事係合情合理, 反指責備既人係不分青紅皂白, 如果我地想當時人明白自己既過失, 就千萬不可直斥其非。
我撞過板, 碰過釘, 所以感受至深! 或者, 要當事人明白同真心認同自己既錯誤, 就惟有交比上天, 等佢既經歷過同成長後, 慢慢發現。
既然無奈, 就惟有放低! 做其他可以令自己開心既事! 就如佛家一句說話, 捨 – 得! 我“捨”, 所以我“得”!